Document Actions
B. Die winter is ons verganghen
(Liederbuch Amsterdam 1589)
Text: anonym
| Een nieu Amoreus Liedeken. | ||
| 1. | Die winter is ons verghanghen | |
| en ick sie des Meys virtuyt | ||
| Ick sie die loueren hanghen | ||
| En die bloemkens die spruyten daer wt / | ||
| Also veer aen ghene groenen dale | ||
| Daer is het so ghenoechlijke zijn / | ||
| Daer singt die fiere Nachtegale | ||
| Met so menich cleyn wilt voghelkijn. | ||
| 2. | Wy willen die Mey gaen houwen | |
| Hier buyten int groene wout / | ||
| En schenckė mijn soete lief mijn trouwe / | ||
| Die mijn herteken bevangen hout | ||
| En vragen of zy wilden comen | ||
| Voor haer cleyn veynster staen | ||
| Ontfangen de Mey met haren boemen / | ||
| Want zy is so schoon ghedaen. | ||
| 3. | Legdy nv en slaept schoon lief / | |
| En waerom en waeckt ghy niet | ||
| Ick stae hier voor v duerken | ||
| En ick lijder also swaren verdriet | | [S. 64] | |
| En ick stae hier voor v duerken | ||
| En ick lijder also groten pijn / | ||
| Staet op mijn alder liefste | ||
| En spreeckt een woort teghens mijn | ||
| 4. | Doe die suyuerlijcke | |
| Dat claghen aen hadde ghehoort / | ||
| Sy stont op haestelijcke | ||
| En met een sprack zy een woort | ||
| En hy namse al in zijn armen / | ||
| Met groter eerwaerdicheyt | ||
| Hy custense voor haer mōdelijn was root | ||
| En zy namt oock al in danckbaerheyt. | ||
| 5. | O doot zeyde vermaledyde doot | |
| Waer toe zijt ghy ghemaeckt | ||
| Ghy staet hier voor mijn ooghen | ||
| Die also bitterlijcke smaeckt | ||
| ghy staet hier voor mijn ooghen | ||
| Recht teghen neuens mijn | ||
| Ick sie den lichten dach op dringhen | ||
| En mijn soete Liefs claer aenschijn / | ||
| 6. | En hy namse al in zijn armen // | |
| Met groter eerwaerdicheyt / | ||
| Hy custense voor haer mondelijn was root // | ||
| En zy namt oock al in danckbaerheyt // | ||
| Die wachter op de muerē / | ||
| Hoe luyde was dat hy sang | ||
| En isser yemant inne // | ||
| Die mach thuyswaert ghaen // | ||
| Ick sie den lichtēn dach op dringhen / | ||
| Alzo veer int oosten op gaen. | ||
Een Aemstelredams Amoureus lietboeck. Amsterdam: Harmen Jansz. Muller 1589, S. 63f. (Nr. 54).
DVA: AV 2220
last modified
30.08.2012 08:32
