Unauthorized to paste item(s).
Abb. 2: Liedpostkarten ca. 1960er/1970er Jahre copied.
Edition D: Vertonung von Wolfgang Amadeus Mozart 1791 copied.
Edition B: Liedflugschrift 1563 copied.
Document Actions
E. Vom Gülcherlandt da komb ich her
(Parodie 1614)
Text: anonym
| 1. | Vom Gülcherlandt da komb ich her/ | |
| Ich bring euch seltzam Wunder Mähr/ | ||
| Der Wunder Mähr / bring ich so vil/ | ||
| Darvon ich singen vnnd sagen will. | ||
| 2. | Pfaltzgraff Wolff Wilhelm Hochgeborn/ | |
| Der hat das Lutherthumb verschworn/ | ||
| Er war ein Herr so zart vnnd fein/ | ||
| Jetzt will er gantz Papistisch seyn. | ||
| 3. | Er ist nun bey der Päpstisch Rhott/ | |
| Führt sich selber in grosse Not/ | ||
| Er will sein der Pfaffen Beystandt/ | ||
| Das ist fürwahr ein grosse Schandt. | ||
| 4. | Er bringt ihm selber Traurigkeit/ | |
| Sein Eltern grosses Hertzenleidt/ | ||
| Er muß ins Papstes Himmelreich/ | ||
| Mit ihm leben nuhn eweiglich. | ||
| 5. | Deß laßt sie alle frölich sein/ | |
| Vnnd mit dem Satan gehn hinein/ | ||
| Zusehen was drauß würdt werden/ | ||
| Mit disem Sohn / hie auf Erden. | ||
| 6. | Merck auff mein Hertz / vnd sih dort hin/ | |
| Wer wohnt in dem Gülcherländlin/ | ||
| Weß ist das schöne Söhnelein/ | ||
| Es ist des Papstes Hertzelein. | ||
| 7. | Biß willekomb du Edler Gast/ | |
| Das Papstumb nicht verschmähet hast/ | ||
| Vnnd kompst ins Finster herzu mir/ | ||
| Deß will ich immer dancken dir. | | [f. A ij r] | |
| 8. | Ach Herr Papst Schandtfleck aller ding/ | |
| Wie bist du worden so gering/ | ||
| Daß dich auch niemandt achten thut/ | ||
| Darüber zürnt mein Hertz vnd Muth. | ||
| 9. | Vnd wer die Welt vil mahl so weit/ | |
| Von Edelgstein vnnd Gold bereit/ | ||
| So muß sie dir seyn vnderthan/ | ||
| Darvor kein Gewalt auch nicht seyn kann. | ||
| 10. | Der Samet vnd die Seyden dein/ | |
| Ist Schmirsal vnd der Chrysam fein/ | ||
| Damit bekompst manch Königreich/ | ||
| Welchs dann dein ewig Himmelreich. | ||
| 11. | Das hat also gefallen dir/ | |
| Die Hülffe anzuzeigen mir/ | ||
| Wie aller Welt Macht / Ehr vnnd Gut/ | ||
| Wollest bringen in meine Hut. | ||
| 12. | Ach mein Hertzliebstes Söhnelein. | |
| Darauff kanst du wol lustig seyn/ | ||
| Vnd rhue in meines Hertzen Schrein/ | ||
| Dann ich nimmer vergesse dein. | ||
| 13. | Die Hülff die ich dir zugeseyt/ | |
| Die ist schon fertig vnd bereit/ | ||
| Greiff an / vnd rüste alls ins Werck/ | ||
| Doch sih / daß dirs nicht fall in Dreck. | ||
| 14. | Jetzt bin ich frölich allezeit/ | |
| Zusingen / weicht ihr Luthrisch Leut/ | ||
| Ich will euch treffen also schon/ | ||
| Daß ihr müßt singen ein andrn Thon. | | [f. Aij v] | |
| 15. | Deß solt ihr gar nicht frölich seyn/ | |
| Weil ich mit dem Papst bin wordn ein/ | ||
| Ich bin nun mehr sein Fleisch vnd Blut/ | ||
| Daß macht mir erst ein rechten Muth. | ||
| 16. | Er will vnd kann mich lassen nicht/ | |
| Auffn Papst setzt ich all mein Zuversicht/ | ||
| Ob mich auch gleich vil fechten an/ | ||
| Der Papst kann ihn wol widerstahn. | ||
| 17. | Was kan euch thun der Pfaffenknecht/ | |
| Auff GOtt setzt ewer Hoffnung recht/ | ||
| Laß zürnen Teuffel vnd die Höll/ | ||
| GOttes Sohn ist worden ewr Gsell. | ||
| 18. | Der Papst der frißt ihn selber noch/ | |
| Vnd stürtzt ihn in ein finsters Loch/ | ||
| Vor vns da streit der rechte Mann/ | ||
| Vor welchem fliehen muß jederman. | ||
| 19. | Lob / Ehr sey GOtt im Höchsten Thron/ | |
| Der stürtzen würdt deß Papstes Sohn/ | ||
| Die grechte Sach thuts doch gwinnen/ | ||
| Vnd soll er drumb fahrn von Sinnen. | ||
| 20. | Weil ihr dann seidt Gottes Geschlecht/ | |
| Zuletzt müßt ihr noch haben recht/ | ||
| GOttes Wort bleibt ja immerdar/ | ||
| Vnd muß vergehn die Päpstisch Schar. |
Ein schön New Liedt. Vber Hertzog Wolffgang Wilhelms von Newburg Bekehrung gemacht / Durch einen Gülichischen Vnderthan. Im Thon: Vom Himmel hoch da komb ich her / ec. Getruckt zu Basel / Anno 1614.
DVA: Bl 4402
last modified
15.12.2011 02:40
