Skip to content. Skip to navigation

Liederlexikon

Personal tools
You are here: Home Lieder Vom Himmel hoch, da komm ich her Edition C: Umdichtung Valentin Triller 1555
Document Actions

C. Es kam ein Engel hell vñ klar

(Umdichtung Valentin Triller 1555)


Text: Valentin Triller (1493–1573), nach Martin Luther
Melodie: nach "Ich kumm aus frembden Landen her"
 





Auf die noten / Aus frembden landen kom ich her / mit
dreyen stimmen.
 
1. Es kam ein Engel hell vnd klar
von Got auffs feldt zun hirten dar /
der war | gar seer von hertzen fro[fol. F 4 r]
vnd sprach frölich zu jn also.
 
2. Von Himel hoch da kom ich her /
ich bring euch viel der guten meer /
der gutten meer bring ich so viel /
dauon ich singen vnd sagen will.
 
3. Der Herre Gott im höchsten thron /
hat euch gesandt sein lieben Sohn /
der ist auch heut en mensch geborn /
von einer Jungfrawn ausserkorn.
 
4. Zu Bethlehem in Dauids stat /
wie euch die Schrifft hat lang gesagt /
das ist ewr Heylandt Jesus Christ /
Drümb fürcht euch nicht zu dieser frist. |[fol. F 4 v]
 
5. Das new geborne kindelein /
das ligt in einem krippelein /
mit windeln ist es eingehült /
der alle ding mit krafft erfült.
 
6. Darnach kam baldt ein grosse schar /
der lieben Engel hell und klar /
die sungen gar ein schönes lied /
vnd frewten sich gar hertzlich mit.
 
7. Sie sprachen Gott sey preis vnd danck /
dem singen wir den lobgesang /
den menschen sey auff Erden fried /
so solchs auch wol gefellet mit.
 
8. Die Hirten giengen all gemein /
vnd suchten dieses kindelein /
sie fundens wie der Engel sagt /
mit Maria der reinen magdt.
 
9. Bis wilkomen du kindlein zart /
wie ligstu so elend vnd hart /
du König schöpffer aller ding /
helt dich dein Volck so gar gering.
 
10. O liebes Kindlein blos vnd arm /
dich vnser aller heut erbarm /
wir wollen dir auch hulden gern /
als vnserm rechten Christ vnd Herrn.
 
11. Das Volck hat sich verwundert seer /
da sie vernamen solche meer /
vnd Maria die mutter sein /
behielt die wort im hertzen rein.
 
12. Das edle kindlein tewr vnnd wert /
helff vns auch jtzt auff dieser Erdt /
das wir recht feyren seine geburt /
vnd vns jr frewen hie vnd dort. |[fol. G 1 r]
 
13. Wir wollen frölich singen gleich /
dem Kindlein aller gnaden reich /
ein newes lied vnd lobe gesang /
vnd sagen jm von hertzen danck.
 
14. Mach wir dem kind ein wigelein /
in vnser hertz vnd glauben rein /
vnd bethen jm in geist vnd syn /
so singen wir recht das sausenyn.
 
15. Gelobet sey der höchste Gott /
der vns so hoch geliebet hat /
dem singen wir mit jnnigkeit /
lob preis vnd danck in ewigkeit.


Ein Schlesich singebüchlein aus Göttlicher schrifft / von den fürnemsten Festen des Jares / vnd sonst von andern gesengen vnd Psalmen / gestelt auff viel alte gewönliche melodien / so zum teil vorhin Lateinisch / zum teil Deutsch / mit Geistlichen oder auch Weltlichen texten gesungen seind / Durch Valentinum Triller von Gora... Breslau: Crispinus Scharffenberg 1555, fol. F 3v–G 1r.
DVA: B 50391


Editorische Anmerkung:
Triller erwähnt Martin Luther als Urheber des Liedes nicht, obwohl ihm dessen Lied offensichtlich vorgelegen hat.
last modified 10.10.2012 12:12
 

nach oben | Impressum